Mi kas tabata un kas yen di bida, un kas alegre, yen di karakter úniko. Kresiendo den un famia di nuebe persona – mi mama i nos ocho ruman, den un kas di gobièrnu demasiado chikí pa nos tur na Mundu Nobo, tabata un eksperensia ku a forma i hasi mi ken mi ta awe. Nos kada un a keda ku nos rekuerdonan di nos kas na Mundu Nobo. Loke a keda, ta e dinámika entre nos. Tin biaha harmonioso, tin biaha eksplosivo. Ocho yu den un kas chikí, bo ta siña lihé unda bo lugá ta, òf bo ta lucha pa esei. Nos tabata kuater mucha hòmber i kuater mucha muhé, lantá pa un muhé: nos mama. Sin tata den kas, sin luho, pero ku un forsa inkreibel ku a tene nos riba pia.
Pero no tin duda ku e muchanan muhé tabata esnan ku tabata manda den kas. Mama, e pilar di nos famia, semper tabata esun ku tabata dirigí kas. E tabata e persona ku a tene nos tur huntu, pa motibu ku mi tata no tabata na kas.
Mamai tabata dirigí nos kas. E tabata traha duru i hopi biaha e no tabata na kas, pero ora e tabat’ei, kas tabata otro. Den su ousensia, mi rumannan muhé tabata tuma rienda. Spesialmente e muchanan muhé tabata esnan ku tabata manda. Nan tabata yòn, pero determiná. Nan tabata regla kas manera muhénan adulto. Poppy, mi ruman muhé “bossy”, tabata e general di servisio. Ora e papia, nos tabata skucha, òf por lo ménos nos tabata hasi komo si fuera. Maria, esun di mas grandi, nos tabata yama Chichia, tabata e forsa suave, e diplomátiko, pero e tambe tabata manda.
Mi ta kòrda ainda kon komo mucha yòn mi mester a funshoná komo shaperon ora Chichia tabata sali ku su amigu, e hòmber ku despues a bira su kasá. Sin masha gana mi tabata kana nan tras, supuestamente pa protehá Chichia, pero en realidat mi tabata un testigu bibu di nan amor. Tabata un kos straño no? Pero den nos famia, e tipo di ròl aki tabata normal i tabata un eksigensia pa mi rumannan muhé sali kas.
Despues di nan kasamentu, mi tabata pasa hopi tempu serka nan, kome i skucha músika. No solamente pa kome, maske esei tambe tabata un bon motibu, pero prinsipalmente pa e kariño. E músika, kombersashon na mesa, e harimentu. Nan kas tabata un lugá di sosiegu. Serka su kasá Fiti mi amor pa bolero (Carlos Pizarro) a krese i mi resistensia kontra ranchera a bira mas grandi. Maria tabata esun ku tabata manda den e kas ei tambe, parse ku esaki tabata den su sanger. E momentonan ei, skuchando músika, kome dushi, tabata momentunan inolvidabel. Tabata un forma di keda konektá.
Nan a muda hopi komo famia. Promé nan a biba na Kortijnweg, despues nan a move pa Charo, i despues pa Brievengat. Kada mudansa tabata un kapítulo nobo den nos bida.
Manera hopi kurasoleño, mi tambe a tuma e desishon di muda pa Hulanda. Esei tabata un paso grandi, no solamente pa mi bida personal, sino tambe pa e konekshon ku mi rumannan. Honestamente, despues di mi salida, e kontakto ku nan a bira mas difísil. Tabata mas tantu ku mi mama ku mi tabatin kontakto. Nos rumannan durante mi temporada na Hulanda nos no tabatin kontakto ku otro. Ta via di mi mama mi tabata tende di mi rumannan.
Ora mi a regresá Kòrsou mi a purba konektá atrobe. Pero e tabata komo si fuera nos tur a kuminsá biba otro bida. Nos tabata rekonosé otro su bos ainda, pero e zonido a bira diferente. No hostil, pero tampoko spontáneo.Mi a spera ku e konekshon di ántes lo a bolbe, pero mi mester bisa ku no a bai asina fásil. Bida ta tuma su rumbo, i hende ta kambia.
Pèrdida di nos mama a trese nos huntu atrobe. Pa un ratu, por lo ménos. Despues a sigui mas pèrdida: nos tata, dos ruman hòmber, i dos ruman muhé. Kada despedida a trese nos atrobe huntu pa un ratu.
Den momentonan difísil di luto, nos a topa, kompartí tristesa, i rekordá huntu. Pero despues, manera ta kustumber, kada ken ta kue su kaminda atrobe. Manera ku kada despedida nèt no tabata sufisiente pa trese nos huntu. Mama e figura ku tabata tene nos huntu no tabat’ei mas.
I tòg hopi biaha mi ta pensa bèk riba e tempu ei na Mundu Nobo. Riba e kas chikí ei yen bochincha. Riba e lucha, pero tambe riba e union. Riba e kariño ku tin biaha tabata skondí bou di kapa di bringamentu, pero ku semper tabata presente. Mi rumannan muhé a goberná, mi mama a guia, i ami, ami a wak, a skucha, i a siña.
Nos tur a keda formá pa e kas ei, e famia ei. Podisé nos no ta papia ku otro diariamente mas, podisé nos ta biba den diferente mundu. Pero den mi rekuerdo i spera tambe den esnan di mi rumannan, nos ta keda semper e kas ei na Mundu Nobo. Un kas yen di bos, yen di bida, yen di pasado, yen di amor. E eksperensianan ei a siña mi hopi. Mi rumannan, Maria (Chichia), Lucille (Chil) esun mas trankil, Marvis e mas chikí, i Poppy e boss, i tur mi otro rumannan, nan ta parti di mi historia. E no ta semper perfekto, pero ta di mi. I esei ta loke ta hasié asina úniko.
Awendia, mi ta mira tras i ta gradisidu pa e edukashon ei, pa e kas ei yen di amor. Si mi tin di akseptá, ku nos pilánan a kuminsá move.
Mi profundo Kondolensia i Deskanso di boso estimada ruman. Danki pa komparti boso historia asina bunita. Ta buta mi tambe refleha na ns kas ku mayornan ku 8 yu den kas. Ku hopi bia no ta fasil, pero ku hopi Amor. Spera ku ns historianan por konsientisa ns generashon ku ta lantando kon por biba Dushi ku tiki, sin mester mishi ku kos di otro. Eduka nn mes i Biba dushi. Ns tur ta pasahero. Ku Lus Eterno lusa pa boso ruman i ku e por R.i.p. Forsa…
Rest in peace, Chichia. You will be deeply missed.
Mi profundo condolencia ta bai na abo y demas rumanan Purcey. Mi a konoce partí di bo fami di tal forma: Mi tabat Amiga di klas ku Hilda nos tabata bishita otro y e la hibami konose Popy después my a sinta den klas ku Marcel después Mi tabata den grupo di orashon y den team di liberashon ku Lucil después Mi a bin econtra bo na kas di May ku Pai. I e resumen aki a toka Mi I a bendishona mi di berdat
Mi ta aprecia hende ku ta balorà nan Kuna y afkomst. Dios bendishona bo.
Bonita historia
Kondolensia
Percy, danki pa kompartí bunita parti di bo hubentut.
Kondoler ku pérdida di bo ruman. Ku e sosegá na pas🥀
Kondoleer i hopi forsa ku perdida di bo ruman
Hopi bunita historia
Kondolensia
Masha danki pa e bunita historia di famia, mener Pinedo, mi a korda nos famia tambe. Nos tabata 8 ruman , mama i tata. Hopi dushi nos a lanta. Hopi ruman pero te awe ,mi ta hana ku nos alanta masha dushi ku otro. Danki un biaha mas. Kondoler i hopi forsa.
Ku bon dios nabo forsa pa pasa den momentunan difisil aki di bida. Danki pa komparti ku nos e rekuerdonan bunita di bida ku a keda atras.
Percy, bunita historia. Kondoleer di bo ruman.
Gecondoleerd Percy
Bunita❣️ Sra. Maria sosegá na pas.
Bunita historia y mane nan ta bisa recordar es vivir. María tabata un dushi hende. Pas na su resto. 🙏🏽🕯️🕊️
Sr. Pinedo danki pa komparti. Bunita rekuerdo. Pone mi korda kon nos a lanta den kas ku otro. Danki.
Bunita história i sin duda recuerdos pa henter Bo bida. Masha danki pa komparti esaki.
Mi tambe a biba huntu ku bo… e historia di bida ku bo a deskribi asina bunita😘…
Berdat un dushi tempu… i nos tin bunita rekuerdo…
Ku ruman Maria sosega na Pas den Reino di Señor🙏🥀… forsa na boso…..
Mi tin bon rekuerdo di Maria i ku ki ora mi topa mi mester bras’é, kumindá. Semper alegre i lo mi kier sigui rekordá komo un hende alegre. Juni I Elsmarie forsa I hinter famia Pinedo.
Danki pa komparti e historia aki. Forsa un bia mas…
Percy, un biaha mas, danki pa a deleitá nos ku e dushi istoria aki di ‘Mundu Nobo’ ! Bon siman !
Forsa.
Ke sososega na pas.
Danki pa a kompartí. Forsa pa hinter Famia🕯️🌿🕊️
E edukashon di kas ey, tabata hasi nos un GRAN HENDE!!! Ta esey no ta existi mas awendia!!!
Danki pa a komparti dushi rekuerdonan. Den nan mi tambe ta mira un parti di nos bida sin kompaño di ruman homber no tin salimentu
Dushi rekuerdo. Kondoleer I forsa ku e perdida sensibel aki.
Mi tin bon rekuerdo di Maria i ku ki ora mi topa mi mester bras’é, kumindá. Semper alegre i lo mi kier sigui rekordá komo un hende alegre. Juni I Elsmarie forsa I hinter famia Pinedo.8
Mi mas sentido pesamé amigo ku pèrdidá di bo ruman muhé. Forsa!! Ku Chichia sosegá na pas. E storia a impreshonami masha.
Percy danki pa komparti e bunita historia di famia ey pa asina mi rekorda mi infansia den Domi.Kondoleer na bo persona,rumanan i demas famia.Forsa!
Kondoleer y forsa, bunita rekuerdo.
Pero perde un ser Keri no ta fasil
Forsa ruman.
Masha danki pa bo historia di famia. E ta pone mi kòrda riba mi propio famia. Mi mayornan no t’ei mas, tambe 1 ruman muhé.
Mi ta rekonosé vários punto den bo historia, e konbibensia e alegria familiar, etc.
Pero serka mi e kontakto estrecho entre mi rumannan ta bibu bibu.
Asta ta rekonstruí lasonan ku mama patriarka na ‘timon’.
Bunita historia di un familia sano,humilde y feliz. Danki pa kompari. Kondoleer y hopi forsa.Sosega na Paz Maria nos lo recorda bo sonrisa, amabilidad y karakter semper agradable y alegre…♡🙏🏻👼🏻🥀
Percy kondoler,forsa den e tempu difisil aki.
Bo historia ta hopi real i dushi pa lesa.
Percy, bondia.
Bo historia a hisami benta bèk den e Mundu Nobo di antes ku ya no ta eksistí mas manera e tempu ey. Ratu ratu mi ta pasa kore den e kayanan di nos bario yen di nostalgia.
Tur kos a kambia den e bario ey ku praktikamente lastimamente bo no por konosele bèk.
Danki pa bo historia.
Nos profundo kondolensia i hopi forsa na boso tur! Famia ta base di nos historia i bida i hopi biaha via relashonnan enigmátiko famia ta krese i nos ta bira ruman òf famia di otro! Pues un kaluroso i fuerte abraso hermano i ku Señor nos Dios duna alma di Maria sosiegu eterno i e sosegá na pas 🙏🏽
Percy, esta bunita i danki pa komparti! Un parti di “the story of your life” ku mi no tabata sa muchu di dje.
Mi ta gradisido ku mi ta sinja tantu aspekto di bo (i tambe historia di nos dushi isla) atrabes di bo artikulonan! 🩷
Esta un bunita rekuerdo Percy. Danki pa kompartí. Bunita dedikashon na Tanchi Maria.
Ku Maria sosegá na Paz.
Hopi Forsa e dianan difisil aki.
Take vare
LUS ETERNO LUSA PE” KU SU ALMA SOSEGA NA PAS AMEN 🙏🏼
BUNITA HISTORIA KU LO KEDA BIBU SEMPER DEN BOSO KURASON🪻🪻🪻
Danki pa a komparti dushi rekuerdonan. Den nan mi tambe ta mira un parti di nos bida sin kompaño di ruman homber no tin salimentu
Dushi rekuerdo. Kondoleer I forsa ku e perdida sensibel aki.
Percy bon dia. Danki pa e historia konmovedó di bo famia ku bo a relatá, mi sinsero kondolensia i hopi forsa na bo, bo otro rumannan i famia pa pérdida di Maria.
Bo historia di famia ta pone mi kòrda esun di mi famia, e tin asina tantu aspekto paresido! Nos tambe tabata 9 ruman. Awor aki 5 di nos ta na bida. E pleitu i gritamentu pero e amor grandi tambe di mi mama ku tata i mi rumannan pa otro… Danki Percy pa kompartí i hopi forsa.
Bunita historia, mi ta korda e momentonan ey den e kas. Dushi mes, Maria ta bisami bin kome. Djadomingo ta bai kome serka Lucile, Poppy nos tur sinta na mesa ta papia ta hari. Djaluna ultimo, mi a topabo mi ta puntrabo pa Maria i Lucile sin a pensa ku djis Maria lo no tey mas. Kondoler i forsa pa bosnan. Ku Maria haña sosiegu eterno🙏🏻🥀
Mi tambe a kòrda riba e momentu ei ku nos a topa. Ei bo ta mira: djis un kòmbersashon chikí, den pura i tòg ta impaktá
Percey hopi forsa ku bo perdida.E historia ku bo trese ey mi por huse pami tambe ta kasi meskos.Mi ruman muhe a kaba di Friese di 09-07-2025.Nos tabata7 ruman 3 homber i 4 muhe.PERO FORSA .
Percy bon tardi. Lesando e historia di bo famia varios biaha mi a pensa bèk riba mi famia.Tambe mi no pora keda sin para ketu na e balor ku antes e nukleo famia tabata tin pa nos desaroyo Individualmente pero sigur tambe pa esun di nos komunidad. Aunke ku na e momentonan aki tristesa ta domina abo i bo famia keda agradesido ku e dushi rekuerdonan di bo famia.
Kondoleer ku e perdida di bo ruman muhé. Hopi forsa pabo i bo famianan!!
Bunita historia Percy. Lastamente pero esei ta e tipo di hende nan ku nos a bira awendia. Ta mamai tbt esun ku tabata tene e famia huntu. Despues kasi kasi ta bira hendenan extraño. Ta ora di luto ta bin bek un ratu huntu.
Percy, un bunita historia di famia, danki pa komparti.
Mi mas sentido pesame na Percy i rumannan.
Ku Maria su alma sosega na pas.
Kondoleer i forsa
Percy bondia. Bunita historia di un famia, ku su dushi rekwerdonan.
Mi mas profúndo pésame pa hinter famia. Hopi forsa i sabidoria den e dianan benidéro.
Kondolensia kerido Percy. Pèrdè un ruman ta manera pèrdè un pia òf un brasa. P esei ta dushi pa nos biba dushi ku otro i stima, drama amor pa na ora di e despedida definitivo e bon rekuerdonan evoká sonrisa hanchu komo bálsamo riba herida den silensio di ousensia. Brasa nes mes! lucille
Percy hòpi forsa pa bo i famia nn ku fayesementu di sra Maria.
Ku su alma sosegá na pas.
Bunita.. kondoleer i hopi forsa pabo i famía. Ku Maria sosegá na Pas.
Bunita Historia Percy..
Brasa fuerte ta bosnan
Bunita historia. E realidad di bida. Percy, kondoleer i hopi forsa pa bo i bo ruman nan. Dios tuma Maria den su Reino ku e sosega na pas
Mundo nobo
Bondia Percy hopi profundo e historia
Danki pa kompartie
TA MI ORA DI LESA
Percy danki pa komparti e bunita historia di famia ey ponemi rekorda mi infansia den Domi.Kondoleer na bo persona,rumanan i demas famia.Forsa!
Maria, Ietje Pierewietje, masha dushi kolega na Extra. Ta alegria so tin ora bo ta den kompania di Ietje. Sosega na pas Ietje
Percey, risibi mi mas sinsero i profundo palabra di pesame. Kondolensia i forsa pa henter famia. E historia ei mi tambe a bibe. Nos tabata 9, mama i 8 ruman. Uniko diferensia 1 muhe i 7 hombu.Awe mama i 4 ruman no ta riba e mundu aki mas. Pero, nan ta keda pa semper den mi kurason. Danki pa rebiba mi pasado.
Kondoler i hopi forsa ku morto di boso ser kerí.
Sinsero kondolensia. Forsa.
Danki pa komparti e bunita historia.
Bunita historia. Kondolensia na hinter famia