Kategoria

Lanthuis

Kerido Lektor

Hasibo di (na) kas!

Lanthuis, Kas di Shon òf Kas Grandi.

Kuantu di e kasnan akí t’ei ainda, kua lanthuis te ainda ta den man di famia di e doño; kua Kas di Shon abo a bishitá. Ki rekuerdo bo tin di e (un) Kas Grandi.

Para ketu un ratu na e diferente ponensianan akí i realisá bo mes, kon tiki bo sa di nos historia di Lanthuis. Kisas esun tiki ku bo sa ei, mi kier pa nos kompartí esaki i asina hasi nos tur un tiki mas sabí.

Koriendo rònt bo ta mira e Kasnan di Shon den tur nan splendor, den man di doñonan nobo, kisas no den e funshon ku nan ta tin ántes, pero awor komo ofisina komersial, galeria di arte, hotèl, restourant òf den otro funshon.

Via korantnan bieu revista i diferente buki mi por a haña informashon tokante nos lanthuisnan i mi ta kere ku ainda tin diferente storia ku no ta kontá i ku tin muchu mas informashon informashon, potrèt i/òf dokumento di Kasnan aki. Hendenan ku konosé otronan ku por tin informashon i tambe di personanan ku a traha òf biba den e kasnan akí òf a biba den besindario di un di e kasnan.

Lo mi bai na kompartí informashon ku bo(so) atrabes di mi blog “Hòrta Shòrt”, un tèrminologia ku ta usa ántes den presentashon di sine aki na Kòrsou na momentu ku durante presentashon di e pelíkula, nan saka un pida afó. Nos lo bin mas den ekstenso bèk riba e fenómeno akí.

Gustosamente mi ke drenta den kontakto ku e hendenan aki òf ku abo ku ta disponé di informashon, potrèt tokante nos Kas di Shon. Mi kier a pidibo, si bo tin informashon òf bo konosé hende ku tin informashon ku por yuda mi den mi empeño pa kolektá mas tantu dato konkreto i relevante posibel, fabor mail mi info@percypinedoblog.com òf yamami na 510-4946. Pa tiki ku e informashon por ta, mi lo apresiá bo tuma kontakto ku mi. Di antemano masha danki.

Percy Pinedo

Área di Kurá di Otrobanda(Monumento habrí 12)

Área di Kurá di Otrobanda(Monumento habrí 12)

Publiká pa  percy.pinedo 20 di febrüari 2023 Un kurá ta un tereno será ku muraya ku un edifisio prinsipal i na su rant edifisionan anekso, tambe yamá afdak (kasita di un kamber i un dak di sia respektivamente dak di lèsenar). Den e afdaknan tabata biba...
Mi Kas di Plèizí!

Mi Kas di Plèizí!

For di mart 1988 te dia djawe, mi a pasa diferente ora di mi wikèntnan den e kas akí na Otrobanda. Komo mucha, riba kaminda pa bai kumpra kos serka Madam den Kaya Grandi, mi ta pasa i atmirá e kas akí kontinuamente, sin por a imaginá mi ku despues di kasi 30 aña, e...
Kortijn(Lanthùis)

Kortijn(Lanthùis)

Inspirá riba e nesesidat di Fundashon Kura di Arte i nan búskeda pa un kas pa hóbennan dor di Sra. Omayra Leeflang, mi a bai buska informashon di e lanthùis akí, ku por sierto mi no a haña e kas akí bèk komo lanthùis den ningun fuente di informashon di kua mi ta...