Pasku ta trese rekuerdo,kalor humano i famia ta bin huntu, pero Pasku ta tambe temporada ku nos ta kòrda esnan ku no tei mas. Pa hopi di nos i tambe den eksterior e kansion Navidad Sin Padre di legendario Ced Ride ta yena nos ku hopi emoshon. E kansion, kantá na spañó, di 1968, a bira un klásiko na Kòrsou i sobra islanan di Antia i ya tin vários dékada. E no ta solamente historia personal di Ced Ride, pero tambe esun di hopi famia ku ta sinti falta di un ser kerí durante dianan di fiesta.
Cedric Ridderplaat, konosí komo Ced Ride, a nase 1944 na Kòrsou. E ta un artista hopi konosí. E kansion Navidad Sin Padre el a skirbi despues ku su tata a muri algun dia promé ku Pasku. E letra no ta reflehá solamente su tristesa i e bashí ku a keda, pero tambe su fe, su konsuelo i speransa durante periodo di Pasku.
E kansion ta graba na spañó pa motibu ku den añanan sesenta papiamentu no tabata asina bibu den nos músika. Ced Ride tabata hopi di fokus riba nos region. El a graba e kansion akí ku e banda Los Dangers, i na 1969 el a risibí premio Tambú pa esaki.
Letra
Letra di e kansion ta “touch” bo. E ta konta di e palu di Pasku ku ta bria den kas pero na mes momento e stul bashí na mesa di kome ta hala atenshon riba e falta di su tata. Mamai ta trata mantené famia huntu i ta boga pa pordon i konsuelo. E refran ta asentuá ku Pasku ounke ta trese doló, ta trese konsuelo tambe. E toke personal den e kansion, ta e relashon profundo di Ced Ride ku su tata.
Bonito – cómo luce
El arbolito de Navidad
Debajo está el pesebre que con su estrella brillará
Y juntitos nosotros rezamos
El rosario al niñito Jesús
Solo una silla falta
Es la de Papá
La noche está quietecita
Y el firmamento dormido está
Que venga Jesús Cristo
Que es el niño que vida da
Y en la casa en silencio rodeada
Está Mamá que tiembla al rezar
Sus ojos mirando el retrato
Es de el que ya no está
Y al mirar el retrato
El de mi Papá
Llora sin cesar al recordar
Que ya no está
Ni nunca más …
Que triste es la navidad
Cuando el padre no está
En la cena vacía su silla quedará
Y las campanas nos consuelan a las doc
Anunciando que el Cristo ya est
Hacia Mamá nos vamos rezando
Es Navidad y hay que cantar
Bendición Mamá – bendición
La Navidad nos trae consolación
Tus hijos frutos de tu creació
De rodillas piden tú bendición
Na Kòrsou, Pasku ta un temporada kaminda famia ta bin huntu. Pa hopi di esnan di edat, Navidad Sin Padre ta parti di temporada di fin di aña.Tur radio, durante sakrifisio di misa i na diferente otro aktividat ta toka/kanta e kansion akí, rekordando nos balorá nos sernan kerí.
Ounke e generashon mas yòn no konosé Ced Ride, su impakto ta bibu. Su músika ta uni i ta pone énfasis riba importansia di tradishon kultural i familiar.
Ced Ride a muri riba mésun dia ku el a hasi aña, 14 di yüli 2021, pero su legado tei. Ku kansionnan manera Navidad Sin Padre, el a hasi un impakto riba kultura karibense. Su kansionnan ta konta historia ku ta pasa di generashon pa generashon i ta rekordá nos ku músika por duna konsuelo den momentu di tristesa.
Navidad Sin Padre ta mas ku un kansion di Pasku; e ta un rekuerdo emoshonal pa pèrdida di amor. Den un temporada kaminda kansionnan di Pasku hopi biaha ta simpel i alegre, e kansion aki tin un nifikashon profundo di reflekshon. E ta pone bo refleksoná un ratu riba kosnan ku ta realmente importante: famia, rekuerdo i speransa ku Pasku por duna.
Felis Pasku!.
Falta stul di mi mama, mi tata i kuater ruman ku a bai nos dilanti… den nos memoria pa semper.
Hopi bon.e kansion ta tristu.e ta pone bo para ketu,i pensa riba esun ser keri ku no tei mas thanks Pipo.
Esaki ta loke por yama un “Evergreen”. Hopi bunita kantika ku ta toka nos te den profundidat di nos humanidat. Aña’den aña’fo.
❤️❤️❤️❤️❤️❤️❤️❤️❤️❤️❤️❤️❤️❤️❤️❤️
Letra i kanto di Ced Ride pa keda kòrda pa semper! Danki pa e tradukshon na papiamentu di e teksto di Dick Drayer. Felis Pas yená ku Pas i Amor!
Artista di taya. Mi a usa basta kantika di Ced den mi lèsnan di Abilidat di skucha. E obranan akí ta inmortal. E kantikanan akí ta obligá bo distansiá bo mes for di bo alrededor pa bo drenta, pèrdè bo mes den e mundu kreativo, e áwaseru musikal ku ta finfin, spat, kai i yobe, laga bo semper poétikamente emoshonalmente balsemá.
Felis dianan di fiesta.
Tremendo relato percey.Kanshon pa eternidad.Feliz dianan di fiesta.
Hopi bunita mi ta penas tambe semper riba mi tata e tambe a muri 21 december
Un piesa ku a toka kurason di tur hende. Masha bunita!! Danki Percy pa relato aki.
Felis 2 dia di Pasku. Danki atrobe pa buta ns para ketu na realidatnan di Bida den e temporada di mas emoshonal. Nasementu di Kristu i serada di aña. Nos tur ta rekorda ns Tata nn ku a bai ns dilanti i e piesa aki ta laga ns refleha atrobe i a la vez, duna ns Animo. Danki Percey. Tur kos bon.
Tremendo.
Ced pa semper!
Percy, un bon pasku.
Danki Percy! Kosnan ku ta realmente importante… ban konsentrá riba nan !!!
Ami a kuminsa kaba…
Semper nos lo rekorda Ced. Su legado tei bibu den nos komunidat. E artikulo aki ta fantastiko.
Tremendo dokumentashon
Hey Percey, un di e hitnan di tur tempu i ku semper lo tei.
Dia nos a graba e kantika aki ku Ced, nos no a pensa ku te awe e lo tei. Ced pa semper. Bon Pasku
Waw otro Artista inmortal
I lo no tin niun ku por iguale Punto
Por graba Domingu plezier
Hopi falta nos lo topa na BARBER FELIS DIA NAN DI FIESTA SALUD Y BENDISHON PA BO Y FAMIA