Kangreu di Hulanda su bunitesa ta despues di su morto!
Kerido Lektor
Tin diferente otro lugá, sitio, edifisio ku mi no por kategorisá, pero ku sigur meresé atenshon i splikashon di nan originalidat, konstrukshon etc. Hopi di nan nos por diskutí kon bunita òf kon mahós nan ta. Diskushon por ehèmpel riba e edifisio kaminda MEO ta situá na Parera (Amicorp), ku ami kisas ta haña mahós i otronan ta haña esei un : State of the Art Building.
Van der Valk Hotèl, edifisio KNSM, Hòspital St Elisabeth, Zaquitó, Sentro Pro Arte, Campo Alegre, nos diferente fòrtinan, diferente kasnan di Otrobanda, Scharloo, Pietermaai etc. Asina tantu pa meshoná i asina tantu pa rekordá.
Tin di e sitio/lugánan akí ku no a haña publisidat i ku kisas tin historia asina interesante i original, ku ta bale la pena kompartí ku otro i esei ta otro meta di e blòg akí, pa nos por kompartí esakinan ku otro.
Lo mi bai na kompartí informashon ku bo(so) atrabes di mi blòg “Hòrta Shòrt”, un tèrminologia ku ta usa ántes den presentashon di sine aki na Kòrsou na momentu ku durante presentashon di e pelíkula, nan saka un pida afó. Nos lo bin bèk mas den ekstenso riba e fenómeno akí.
Gustosamente mi ke drenta den kontakto ku e hendenan aki òf ku abo ku ta disponé di informashon òf potrèt di e tipo di edifisio/sitionan akًí. Mi kier a pidibo, si bo tin informashon òf bo konosé hende ku tin informashon ku por yuda mi den mi empeño pa kolektá mas tantu dato konkreto i relevante posibel, fabor mail mi na info@percypinedoblog.com òf yamami na 510-4946. Pa tiki ku e informashon por ta, mi lo apresiá bo tuma kontakto ku mi. Di antemano masha danki.
“Give thanks not just on Thanksgiving Day, but every day of your life. Appreciate and never take for granted all that you have.”- Catherine Pusifer E selebrashon di Thanksgiving ta algu netamente merikano/kanades, kaminda nan ta selebrá i yama danki pa kosecha risibí....
Resientemente mi a kòmbersá ku un amigu, ku a kumpra un oloshi na Spritzer & Fuhrmann sigur 55 aña pasá. E manera ku e ta deskribí e servisio ku el a haña na e empresa i tambe e garantia ku nan a dun’é por si akaso e oloshi daña, ainda ta impreshon’é. Na 1977 e...
Dia 8 di mei 1888 ta un fecha istóriko pa Kòrsou. Ta e dia ku Gobernador Van den Brandhof a inougurá Emmabrug pa konektá Punda ku Otrobanda. Promé ku esei tur hende pa bai di Punda pa Otrobanda òf vise vèrsa mester a hasi uso di ponchi pa krusa bahia Santa Ana. Ora mi...
Mi no tabata simplemente su fanátiko,pero nos tabata amigu. Mi a bishitá diferente di su aktuashonnan, mi a organisá diferente di su shownan, huntu ku Steven Martina nos a dun’é loke e meresé na 2008, ora ku Macario Prudencia su nòmber a prònk riba un kaya den Oost...
Preparando pa e entrevista ku mi tabatin ku dr. Rose Mary Allen den Memoria di Pueblo i lesando su artíkulo (Migraties en de zoektocht naar inclusief cultureel erfgoed – Antilliaans erfgoed 1: toen en nu)) mi a disidí di skirbi e artíkulo akí. Por sierto ku ta bon pa...
Na 1969 ainda nos tabata lesa den korant, ki dia i ora ta sera pòst internashonal i tambe ku na pòstkantor tin karta di tal i tal hende ku no a bin tuma nan pòst. Tambe nos tabata lesa den Amigoe di Curaçao un rúbrika “Zijn er brieven van U bij?” Den e rúbrika akí...
